عمرو

علي العموم انا اعرفك و اعرفك اكتر من نفسك كمان .
ساره بسخريه ايه الثقه العاليه دي .
عمرو طيب هنتفق علي حاجه احنا نتخطب شهر و في خلال المده دي لو مقدرتش اثبتلك اني اعرفك اكتر من نفسك يبقي ليكي الحق .
ساره بعد تفكير دقايق موافقه بس بشرط مفيش كلام ولا خروج مع بعض كأنتا مش مخطوبين أصلا .
عمرو طيب وانا هثبتلك ازاي ان شاء الله 

ساره وهي تستفزه بأنها ترفع كتفها بحركه طفوليه مليش دعوه اتصرف ده شرطي .
عمرو بغيظ تمام اتفقنا.
مد ايده ليسلم عليها كنوع من إتمام اتفاقهم .
ساره بغمزه و ضحكه خبيثه مبسلمش علي رجاله يا حضره الظابط انا هروح انادي بابا تتكلموا في الباقي باه .
خرجت ساره و بلغت والدها ووالدتها خبر موافقتها غلي الخطوبه من غير ما تقولها علي شرطها و اتفاقها مع عمرو و رجع والدها لعمرو اتفق معاه علي باقي التفاصيل و هو فرحان علي موافقه بنته.
مرت الأيام و تمت خطوبه ساره و عمرو و كان فرحان جدا لكن ساره كان شعورها كانها دخلت تحدي في لعبه و مستنيه النتيجه النهائيه و الهدف منه اثبات ان رايها كان صح امام نفسها .
رجع عمرو لبيته بعد الاحتفال ما خلص و دخل اوضته كلن ھيموت ويكلمها لكنه شرطها مبيغبش من باله لكن في الاخر غلبته نفسه و مسك موبيله و كلمها .
ساره الو مين معايا 
عمرو بغيظ و كمان مش مسجله الرقم انا عمرو .
ساره بخبث واسجله ليه ما احنا بينا اتفاق ان مفيش بينا كلام أصلا .
عمرو بتوتر اه فعلا بس انا قولت اطمن انك روحتي يعني كان الجو ليل و كده .
ساره بسخريه اه روحت متخطفتش متقلقش.
عمرو بثقه و هو يحاول ان يرد لها جزء من كلامها الثقيل
ياريتك اتخطفتي كنتي كلمتيني ولا ايه .
ساره بتهته و توتر انا هقفل دلوقتي .
عمرو طيب سلام .
قفلت ساره المكالمه و هي بتلوم نفسها علي طريقه كلامها معاه لكن فرحت بمكالمته ليها وسجلت رقمه في النهايه.
قعد عمرو علي سريره بعد ما اخد الاجنده السوداء اللي كانت علي مكتبه و بدأ يقلب فيها لحد ما وصل لصفحه عنوانها اشياء ارغب ان افعلها معه و اتخطاها بوجوده و تحت العنوان ترقيم للاشياء و الرغبات .
بدا ان يقرا اول ترقيم ١ اخشي يوما ان يجعلني وجوده في حياتي حبيسه في مكاني بتحكمات لا استطيع تحملها اخشي ان يحطمني فاصبح شبح انسان بدلا من طائر يسعي .
و في اليوم اللي بعده فتحت ساره الباب لما سمعت الجرس فلقت مندوب سلمها هديه باسمها مدفوع ثمنها اخدتها ساره و قعدت بلهفه علشان فتحتها بسرعه و تعرف اللي جواها لقت عبله صغيره جواها سلسله فضيه رقيقه عباره