ساعى
ساعى
انت في الصفحة 2 من صفحتين
اه موجود اتفضل
دخلت جوه واول ما شوفته صعب عليا
راجل كبير في السن ودراعه مقطوع وصحته تعبانه
مين يا بنتي
دا البوسطجي يابا جايب جواب
اهلا يابني اتفضل..هو انت ايه اخرك كدا
معلش اصل سألت كذا حد عن اسمك محدش دلني
ااه عشان مكتوب عليه سيد بيومي
ايوه
بس الناس هنا عارفاني باسم سيد ابودراع
لاني زي مانت شايف كدا
حصل من عشر سنين من يوم ۏفاة ام أميرة
بنتي الوحيدة اللي فتحتلك دي
وقتها كنت حزين وحاسس اني انا اللي بقيت يتيم
مش بنتي لانها كانت مش بس مراتي دي امي واختي
وسندي في الدنيا ..مليش غيرها هي واميرة
في يوم كنت مدور المكنه في أرض العمده
وكنا بنسقي الأرض ...سرحت شوية وانا بفكر في أم أميرة
الا وهي بتسحبني. ..فضلت اشد الجلابية وتروس
المكنه بتسحبني ناحيتها وانا پصرخ على حد ينجدني
ويوقف المكنه لكن كان صوتها اعلى مني ومحدش كان قريب
وبعدها حصل اللي حصل ...ومن يومها وبقى اسمي سيد ابودراع
اتأثرت جدا من الموقف وقولتله
لا حول ولا قوة الا بالله ..معلش يا عم سيد ربنا يعوض عليك
هي بقت
دراعي وسندي في الدنيا شايلة حمل أكبر من سنها
كنت بتسند عليها وكانت خير سند وعون ليا في الدنيا دي
وهي التي انا عايش بس عشانها ونفسي ومنى عيني
افرح بيها قبل ما اموت ..بس هي اللي رافضه تسيبني
اميرة قالت
بعد الشړ عليك يابا يجعل يومي قبل يومك
ربنا يطول في عمرك ويخليك ليا ..وانا هفضل قاعده
شوفت يابني ربنا عوضني أزاي ..زعلت زمان اني مخلفتش واد يسندني بس انا كنت غلطان عندي أميرة دي احسن من 100 واد
ربنا يخليكم لبعض ياعم سيد ويفرحك بيها
اتفضل اشرب شاي
لا ملوش لزوم
عيب يا بني انت عايز تقول عننا بخلا
لا ازاي ..خلاص هشرب شاي
حسيت براحه نفسيه كبيرة مع الراجل الطيب دا وبنته
مخبيه أسرار ورا أبوابها
بقيت كل كام يوم بروح اسأل على عم سيد واطمن عليه
اشوفهم لو محتاجين حاجه
كنت بدور على نصي التاني من زمان
ومش عارف هلاقيها امتى وازاي
لغاية ما القدر جمعني بيها في قرية صغيرة
في محافظة تانية بعييده عن بلدي
كلمت أهلي وحكيت لهم عنها وحبوها قبل ما يشوفوها
..والحمدلله وافقوا عليا
لاني مش هلاقي زوجة ولا أم أفضل لأولادي
من وحدة زي أميرة
تمت
ساعي البريد
حماده هيكل
