جوزى

جوزك ليه 
ديه كانت اول حاجة اقولها لمريم ..مريم اللى هى
نزيلة عندى فى مصلحة السجون بقالها سنتين ..
مش عارف ليه انا سألت السؤال ده لكن كان جوايا
اصرار شديد انى اعرف حكايتها و خصوصا ان تعاملها فى السچن مع البنات مش كويس و دايما
بتعمل مشاكل و بټضرب السجينات ..
بصت لى بمنتهى السخرية و بكل هدوء و ثقة
قالت لى
انا عايزة سجارة 
طلعت من جيبى علبة السجاير و طلعتها سجارة
و ايدتها الولاعة عشان تولعها
كملت كلامها
للاسف هو اللى عاش و انا اللى موتت 
مريم ..انا عايز اقولك حاجة ..تعاملك مع زمايلك
فيه عڼف و قسۏة و دايما بتجيلى منك مشاكل

..انا مش عايز مشاكل يا مريم ..و عشان انا برضوه
مقدر الحالة اللى انتى فيها انا عايز اسمع حكايتك
..اكلمى يا مريم ..اكلمى و طلعى اللى فى نفسك
احسن بكتير من كم العڼف اللى بتمارسيه على
البنات فى السچن 
تفتكر لو حكيتلك حكايتى هيفرق معاك فى حاجة
..بالعكس ..انا عارفة غرضك ..انت اقدامك واحدة
حلوة و شابة صغيرة و دخلت السچن و قټلت
جوزها ليلة الفرح و جواك فضول كبير تعرف انا
دخلت ليه و عملت كده ليه ..ماشى انا معاك ..
عايز تسمع انا هسمعك حكايتى ..من غير دموع
..من غير اشفاق منك 
قالت الجملة ديه و سحبت نفس عميق من السجارة
و كملت
كنت عايشة فى بيت جميل بين اب و ام انا كل
حاجة فى حياتهم ..بنتهم الوحيدة اللى بيعملوا كل
اللى يقدروا عليه عشان يسعدوها ..ما كنتش بحتاج
اطلب ..كنت بس بتمنى و تكون الحاجة عندى ..كنت
شاطرة فى دراستى عشان اخلى بابا و ماما مبسطوين منى ..مكنتش بعمل مشاكل زى باقى
البنات اللى فى سنى ..عمرى ما كان ليا علاقة بأى
ولد ..لأنى انا و بابا و ماما صحاب ما بخبيش عليهم
اى حاجة ..كنت بتكلم معاهم فى كل حاجة من غير
ما اخاڤ 
قالت جملتها الاخيرة و بدأ لمعان يظهر فى عينيها
و قبل ما الدموع تنزل على خدها قالت
بابا مكنش له الا اخ واحد اسمه صلاح ..او عمى
صلاح زى ما بيقولوا ..راجل طماع و جشع و رغم
انه الاخ الكبير الا انه كان دايما بيلجأ لبابا عشان
يحلله مشاكله و طبعا مشاكله ديه اكيد فيها فلوس 
بدأ يكسو على ملامحها الاشمئزاز و هى بتكمل
قصتها ..
اول ما خلصت الثانوية العامة قرر عمى انه يخطبنى لأبنه اللى ما يتخيرش عنه ..شاب فاسد
و طماع و الصراحة مكانش يشرفنى انى اكون مراته
..رفضت طبعا و قبل منى بابا و ماما رفضه ..عمى
اتغاظ و قاطع بابا بسبب رفضه 
سكتت شوية كأنها بتفكر فى الماضى كله لحظة
بلحظة عشان اقطع افكارها و اقولها
و بعدين ايه اللى حصل 
فى ليلة من الليالى بابا طلع عليه بلطجية و فضلوا
يضربه لحد ما كسروا العربية
بتاعته و بعدها طلعوه
من العربية و فضلوا يوا يه لحد ما غرق
الاسفلت ..بابا دخل المستشفى اسبوع و كانت حالته
حرجة