مش هتجوز اخرس

بس انا مش هتجوز أخرس!
انتي لاقيه وبعدين دا ابن الراجل الي بشتغل عنده عارفه يعني ايي يعني هتعيشي في عز طول عمرك 
عز اييي! انت عاوز تجوزني واحد مبيتكلمش يبابا!
مبيتكلمش بس معاه فلوس توزن الحارة وبعدين أنا مش باخد رأيك أنا بعرفك الي هيحصل 
وانا مش هتجوزه دي حياتي وانا حرة فيها 
مسكني من شعري قولتي اييي حرة أي يروح امك أنا هنا الي اقول الي هيحصل اييي وانتي عليكي السمع والطاعة

هفضل لحد أمتي كده أنا نفسي اعمل حاجة انا عوزاها مش انت الي عاوزها 
زقني ولا عمرك هتعملي غير الي عاوزه أبوه جاي كمان شويه عارفه يمريم لو زعلتيه حتي بكلمة أنا هعمل فيكي اي 
عارفة 
سابني وخرج وانا بعيط عمري ما حسيت يعني اي أب! يعني اي سند الي بتكلموا عنه البنات عمري ما عرفت يعني اي امان وهو موجود 
تعالي يمريم سلمي علي عمك عصام 
اهلا وسهلا يعمو تنورتنا 
بسم الله ما شاء الله بنورك يبنتي تعالي اقعدي سيبنا لوحدنا شويه يعبده معلش 
البيت بيتك يباشا 
خرج ورجع بصالي انتي عارفه أنا جاي النهارده ليي

طيب انا جاي عشان اطلب ايدك ل احمد ابني وعارف انك عارفه أنه تعبان بس هو محتاج حد يبقي جمبه أنا حاولت كتير بس معرفش 
وانا الي هعرف! 
أنا عارف انك بنت حلال يمريم المستشفى كلها بتقول عليكي انك طيبة وبتحبي تساعدي اييي حد انا جاي النهارده طمعان في مساعدتك ديي والي تطلبيه هتاخديه 
أنا مقدرة كل دا بس أنا!
انتي هتتشالي علي راسنا وكل الي تأمري بيه هيتنفذ صدقيني هتلاقي راحتك معانا 
راحتي! أنا عمري معرفت يعني اي راحة! بس اكيد مش هتبقي مع بابا هوافق! عشان ابعد عن البيت دا 
أنا موافقه
موافقه! كتر خيرك يبنتي 
كان فرحان اوييي! ابتسمتله ودخلت اوضتي بابا قالي أننا رايحينلهم زيارة بكرة فضلت افكر طول الليل الي عملته دا صح اوافق لمجرد اني اترحم من أبويا!
طب ما احنا هناك تقولي حاضر وطيب مسمعكيش تقولي كلمة وتتفلسي زي عوايدك 
بطلت اتفلسف يبابا هو ضړبك ليا اخر مرة كان شويه! 
مردش عليا ونزلنا روحنا مكان بعيد عن حارتنا بكتير ركبنا لأول مرة تاكسي مش ميكروباص كانت فلة كبيرة اويي وواسعة! 
مش قولتلك عز! شايفه المكان الي هتعيشي فيه عامل ازاي تعالي تعالي
دخلت معاه لجوا قعدنا في مكان استقبال الضيوف عمو عصام نزل سلم علينا منكرش ان كان عندي فضول كبير اعرف شكله! بعدها بربع ساعة جه رفعت عيني فيه كان طويل عريض شكله باهت اوييي! بس رغم كده لسه وسيم 
تعالي يا احمد سلم علي عروستك 
قعد جمبي وبص قدامه باباه وبابا سابونا وخرجوا برا 
اسمي
مريم بالمناسبه 
وانت احمد أنا عارفه 
اداني ورقه فيها رقم سجلته وظهرلي واتس دخلت