اسكريبت " اتيتك رغم كل بعدى فأنا لاشيء وليس لي ملجأ سواكى " مكتملة بقلم Shrouk Khalil
اسكريبت " اتيتك رغم كل بعدى فأنا لاشيء وليس لي ملجأ سواكى " مكتملة بقلم Shrouk Khalil
انت في الصفحة 1 من 3 صفحات
اسكريبت
_ انا سيبت كل حاجه علشانك دا انا جايالك بفستان فرحى سيبت اهلى ومالك سيبت بابا اللى مالوش غيري علشانك بس طلعت انا اللى غلطانه انا بقيت في نظر الكل دلوقتي زباله وحقيره هارجع ازاى وبأي وش
.. انا اسف
_ اصرفها منين دى منك لله
انا مليكه 22سنه مامتى مېته و بابا هو اللى ربانى والله انا كويسه ومحترمه وعمرى ما عملت حاجه تضايقه بس حبيت محمد وجه اتقدم وبابا رفضه وبعده جالى مالك فيه كل المواصفات الحلوه ومهندس وتعليمه عالى زيي كنت مفكره ان بابا ظلمنى لما رفض محمد وأن محمد لسه بيحبنى وهربت قبل كتب كتابى بيوم واحد بس وروحتله بس اټصدمت لما لقيته خطب ويقولى انا كنت معجب بيكى بس بعد دا كله معجب .. مش عارفه هرجع لبابا ازاى الساعه دلوقتى 7 الصبح وانا ماشيه مش عارفه هورى وشي لبابا ازاى ولا هقوله اي هقوله انى هربت الفجر للشخص الحقېر اللى كنت بحبه ياربي ساعدنى
_ بابا !!
.. رجعتي ليه يامليكه فاضل حاجه معملتيهاش هتبوظى سمعتى بين الناس كفايه سمعتى قدام خطيبك بقيت في الارض انا كنت اب فاشل للدرجه دى ! وضربنى بالكف انا متصدمتش دى اقل حاجه يقدر يعملها بعد اللى انا عملته
بصيت لمالك اللى كان باصصلي بكره وحزن
مليكه بابا يابابا ارجوك اصحي
مالك رجع بسرعه استنى هتصل بالدكتور واقعدى جنبه انتى
الدكتور وصل وكشف على بابا وأما خرج طلعت وراه انا وقالى أن ضغطه على اوى وأنه تعبان ومش محتاج اى تعصيب ودخلت وانا بعيط وسمعت
ماجد يابنى كتر خيرك والله مش عارف أوريك وشي ازاى بعد دلوقتى انا اسف يابنى انا اتفضحت وخلاص ومتشيلش هم انا هطلع للناس النهارده اقولهم أن العيب مننا احنا وهلغى كل حاجه
ماجد شكرا يابنى
مالك انا عمرى ماهنسي أنك كنت جنبي بعد مۏت بابا ياعمو بس مش هقدر اعمل اكتر من كده
انا كنت بره بسمع كل ده وبعيط ازاى وصلت لكده وصلت بابا أنه يترجاه ووصلت مالك أنه يكرهنى
.. من النهارده لحد تلات شهور تقعدى في اوضتك ومتورنيش وشك واعتبرينى مش موجود
ملحقتش ارد لقيته دخل الاوضه وهبد الباب .. دخلت الأوضه وفضلت اعيط لحد مانمت وصحيت الصبح على خبطه الباب
_ نعم
.. يلا علشان باباكى وعمتك وقرايبي بره جهزى
