روايه كامله

عمال على بطال وبعدين زهقت من الجنينة لسه كنت تحت الصبح وكمان أنا بلاقى نفسى في الرسم أوى
تابعت عفاف طهيها وهي تقلب الصحن المعدنى بعزيمة و تقول طب مينفعش تلاقى نفسك في المطبخ شوية بدل ما انت سايبانى محتاسة كده.
أقبلت فرحة وهي تقبل والدتها على خديها وقالت يا حبيبتى انت تؤمرينى عاوزانى اعمل ايه تحبى اسخن السلطة

نظرت لها أمها بتعجب وقالت نعم. تسخنى السلطة! الله يكون في عونه
قالت فرحة متسائلة هو مين يا مامتى
ضحكت عفاف مجيبة اللى امه داعيه عليه.
أشاحت فرحة بوجهها بضيق فأردفت عفاف قائلة طب متلويش بوزك كده. تعالى ساعدينى أبوكى واخواتك زمانهم جايين من الشركة.
لوحت
فرحة بيديها في ضجر وهي تقول ماهى لو جات على بابا حبيبى وأخواتى كنا قلنا ماشى لكن انت يا ماما عزمة معاهم عمى ابراهيم ومراته وولاده
قالت عفاف بنفاذ صبر أشتغلى وأنت ساكتة
ثم أستطردت قائلة وبعدين فيها أيه لما اعزمهم. أبوكى بيبقى مبسوط والعيلة كلها حواليه
قالت فرحة وهي تقطع الخضار ايوا يا ماما بس طنط فاطمة دى كل ما تشوفنى تقعد تدخل في خصوصياتى بطريقة غريبة.
عفاف معلش يا فرحة دى مرات عمك برضة استحمليها وبعدين ده طبع يا بنتى هنعمل ايه
تابعت فرحة حديثها بحنق وهي تقول انا عارفة ليه كلنا ساكنين في بيت واحد كده أحنا في دور وعمنا في دور لا وكمان سايبين الدور اللى فوقينا فاضى علشان ولاد عمى علي اللى لسه منعرفلهمش طريق أصلا.
وبختها عفاف لتتوقف عن تزمرها قائلة بټهديد كملى كملى. لو أبوكى سمعك هيزعل منك أوى انت عارفة ابوكى وعارفة ازاى يحب العيله كلها تبقى تحت عنيه. وبعدين دى وصية جدك الله يرحمه أومال هو بنى العمارة دى كلها ليه مش علشان نتلم فيها كلنا وتتجوزوا فيها كمان
قالت فرحة بنزق وهي تستكمل عملها عارفة والله. انا سمعت الكلام ده كتير.
قالت عفاف بنفاذ صبر طب لما عارفة كل شوية تكلمى ليه يا لمضة يالا خلصى اللى ف أيدك بسرعة
التف الجميع حول الطاولة بعد أن انتهت عفاف وفاطمة وفرحة ووفاء من وضع الطعام عليها عندها قال الحاج حسين وهو ينظر الى الجميع في بهجة
ربنا يجمعنا دايما يارب كده ونفضل طول عمرنا مع بعض
نظر إليه إبراهيم أخيه في حنان وهو يقول طول عمرك بتحب اللمة يا حسين. الود ودك تجيب ابونا الله يرحمه تقعده معانا على السفرة.
ابتسمت فاطمة زوجة إبراهيم وهي تقول اه والله اللمة دى مش ناقصها غير الحاج جاسر الله يرحمه
نظر لها الحاج حسين معاتبا وقال ونسيتى أخويا علي الله يرحمه يا أم وليد
تنحنحت بحرج وقالت الله يرحم الجميع
تابع حسين حديثه وهو يتنقل بنظراته بين الجميع وهو يقول وولاده
ربت إبراهيم على كتفه بحنان وقال بكره نلاقيهم يا حسين الصبر طيب.
انحنى وليد قليلا إلى أمه فاطمة وعلى وجهه علامات السخرية وقال هامسا قال ولاد عمى قال وأحنا نضمن منين انهم ولاده أصلا
لكزه يوسف الذي كان يجلس عن يساره في جنبه حتى لا يسمعه أبيه وشرع الجميع في الأكل بصمت قطعه حسين بعد أن انتهى من طعامه وقال وهو ينهض من مكانه
متنساش بكره الصبح يا عبد الرحمن تروح المطار
نهض عبد الرحمن هو الآخر وهو يقول بأدب حاضر يا بابا اللى تؤمر بيه.
تكلمت وفاء لأول مرة متسائلة انتوا لسه بتدروا في كشوف المسافرين والعائدين برضة
ردت عليها فرحة قائلة أيوا يا وفاء ربنا يعطرنا فيهم يارب
كان الحاج حسين في طريقه إلى غرفة الصالون هو وإبراهيم وعبد الرحمن عندما سمع تعليق وفاء وهي تقول
طب أنتوا ليه مفكرتوش أنهم يكونوا في مصر أصلا
توقف حسين واستدار اليها وهو يقول ببطء قصدك أيه يا وفاء
تابعت وفاء بحماس يعنى ممكن يكونوا مسافروش أصلا.
ظل واقفا في مكانه وهو يقول بتفكير يعنى أيه الكلام ده أحنا متأكدين انهم سافروا.
ثم تابع في شرود البواب ساعتها قالنا انه سمع أحلام بتقول للتاكسى اطلع على المطار
قالت وفاء بشغف بعد أن نظر الجميع إليها ممكن تكون حركة تمويه زى ما بنشوف في الأفلام
ضربها أخيها وليد على رأسها بخفة وهو يقول بطلى هبل يا بت أنت وخاليكى في الأفلام بتاعتك.
نظر حسين الى أخيه إبراهيم وقال بانتباه أحنا ازاى مفكرناش في الاحتمال ده
قال إبراهيم موضحا ايوه يا حسين يا خويا بس احنا لما سألنا وقتها عرفنا انها فعلا حجزت تذاكر على الكويت
تابع حسين وهو يرى الماضى يمر امام ناظريه وكانه شريط سينمائى ولما روحنا السفارة ومحدش أدانا عقاد نافع. سفرنا هناك ومعرفناش نلاقيهم يعنى ممكن وفاء يكون عندها حق.
قال إبراهيم بتركيز لو كانوا في مصر كانوا اكيد لما يكبروا هيدوروا علينا وأحنا أسمنا مش شوية. يعنى بسهولة هيوصلوا
نظر حسين إلى أولاده وكأنه يتخذ قرارا مصيريا ثم قال ببطء وقد لمعت عينيه بالأمل
من هنا ورايح مش هندور في الكشوفات بس. احنا هندور عليهم في مصر كلها
تبادل عبد الرحمن ويوسف النظرات الساخطة المتخفية وأومأ كل منهما بالإيجاب لأبيهما بينما قال أبراهيم موجها حديثة لإبنه وليد.
وانت كمان يا وليد هتدور معاهم.
نظر له وليد متفاجأ ثم قال ها اه. اه. طبعا يا بابا...
دخل عبد الرحمن غرفته بدل ملابسه وتدثر في فراشه وشرع في النوم وهو تبدو عليه علامات الإرهاق الشديد كاد أن يستغرق في النوم ولكنه فتح عينيه على صوت هاتفه نظر إليه فوجد اسم هند تضىء به شاشته فأجابها سريعا بقلق
الو. ايوه يا هند في حاجة ولا ايه
اجابته هامسة بنعومة وحشتنى. معرفتش انام غير لما اكلمك واسمع صوتك.
تثاءب عبد الرحمن ثم قال ما احنا لسه كنا مع
بعض في الشركة وبعدين انا يدوب كنت هروح في النوم
يعنى مفيش حتى وحشتينى يا حبيبتى
تثاءب مجددا وهو يقول طبعا وحشتينى مفيش كلام. بس مش ملاحظة ان الوقت متأخر على الكلام ده
هند وهي تنظر لأختها علا التي أشارت لها أن تستمر هو الحب ليه وقت يا عبده.
لم تسمع اجابة منه فنادته قائلة عبد الرحمن
عبد الرحمن خخخخخخخخخخ.
أتسعت عينيها بعد أن تأكدت أنه ذهب في نوم عميق وهي تحدثه ونادته هاتفة عبد الرحمن
فزع عبد الرحمن وفتح عينيه بصعوبة وهو يصيح ها. مين. فيين. ازاى
صاحت هند پغضب انت نمت وانا بكلمك
عبد الرحمن وهو يفرك عينيه لا ابدا يا حبيبتى معاكى ها وبعدين
معايا! انت نمت وانا بكلمك. هو انا هفضل اشحت منك الكلام الحلو في المكتب وفي التليفون كمان.
قال عبد الرحمن محاولا أنهاء المكالمة بصى يا هند يا حبيبتى أوعدك بكره الصبح هقولك كل اللى انت عايزاه. دلوقتى مش قادر أفتح عينى يا جبارة. أمشى يا بت عايز انام
وألقى الهاتف على الفراش وغطى وجهه مغمغما قبل أن يذهب في نوم عميق البت انحرفت وعاوزه تاخدنى معاها للرذيلة!
3 الفصل الثالث
ألقت هند الهاتف وهي تزفر بشدة قائلة قفل السكة في وشى
ثم نظرت لأختها علا بعتاب وتابعت عجبك كده منظرى دلوقتى بقى ايه قدامه ياريتنى ما سمعت كلامك. أنا كان مخى فين بس
نظرت لها علا متسائلة وهي تقول ليه بس
ضمت هند ركبتيها
 

إلى صدرها وهي على فراشها و تقول حانقة شكلى بقى وحش أوى بعد الحركة دى.
ابتسمت علا بمكر ثم قالت ولا وحش ولا حاجة. بكره يتعود.
حدقت هند بها وقالت بانفعال يتعود على أيه أنت فاكرانى أيه. أنا مقدرش أعمل اللى أنت عايزاه ده. انا كبيرى أوى أدلع عليه.
نظرت لها علا بطرف عينيها باستخفاف قائلة يابت متبقيش هبلة لو معملتيش كده الخطوبة هتطول. وده واحد ابن ناس وألف واحدة حاطة عينها عليه ونفسها يبصلها. ويمكن يلاقى واحدة أحلى منك ويشبك معاها ويرميكى. لازم تعلقيه بيكى على قد ما تقدرى علشان يعجل بالجواز ويقولك يالا نتجوز بكره. الوقت مش في صالحك يا هند.
أشاحت هند بوجهها وهي تهتف باستنكار لا بس أنا اعرف عبد الرحمن كويس. مالوش في البنات أوى يعنى وبعدين معندوش وقت ليهم كمان وانا متأكده أنه بيحبنى ومش هيسيبنى و خاېفة أسمع كلامك يفكر أنى واحدة مش كويسة ويفسخ الخطوبة.
علا هو أنا قلتلك اعملى حاجه وحشه لا سمح الله أنا بقولك علقيه بيكى بس ده شكله بارد ونفسه طويل وبعدين تقدرى تقوليلى اللى زى ده والفلوس على قلبه هو وعيلته كلها وجاى يعمل خطوبة ليه أيه عاوز وقت يجيب الشقة ولا يعمل جمعية علشان العفش
لا علشان نقرب من بعض ونعرف بعض كويس.
أجابت علا بثقة يا سلام ما أنت معاهم بقالك سنة دلوقتى. كل ده لسه ميعرفكيش. أسمعى كلامى هو مين اللى خالاه يحبك ويخطبك. مش هي نصايحي دى اللى مش عاجباكى دلوقتى!..
عادت وفاء من الجامعة وكانت في طريقها الى بوابة المنزل الداخلية ولكنها لمحت فرحة تجلس في الحديقة وترسم منهمكة في لوحاتها غيرت أتجاهها وذهبت إليها بابتسامة مرحة قائلة
السلام عليكم. بتعملى أيه بترسمى برضة
أجابتها فرحة بمشاكسة أومال شايفانى بطبخ يعنى. أيه اللى جابك بدرى خلصتى محاضرات
جلست وفاء على أحد المقاعد الصغيرة بجوارها وهي تقول لا يا ستى كان عندنا محاضرة جنائى وأتلغت.
زفرت فرحة ثم قالت متعجبة والله أنا مش عارفة أيه حبك في دراستك دى هتطلعى أيه يعنى وكيل نيابة ولا قاضى
وفاء ولا ده ولا ده أنا نفسى أبقى محامية وياسلام بقى لو أتخصص في قضايا القټل يا بنت عمى
ألتفتت إليها فرحة في دهشه هاتفة يخربيت الأفلام الأكشن اللى بتتفرجى عليها دى. أيه هتعملى فيها شارلوك هولمز ولا ايه.
نظرت لها وفاء وقالت باستنكار محدش بيقدر الجميل ابدا. ماهو يا ست علبة ألوان أنت لو مكنش شارلوك هولمز ده مكنش أبوكى وأبويا اكتشفوا أنهم بيدوروا على سراب من سنين ولا ناسية أنى أنا اللى نبهتهم أن ولاد عمى ممكن يكونوا في مصر أساسا ومسافروش
نظرت إليها فرحة في تفكير وقالت بشرود تفتكرى يا وفاء لو هم في مصر ليه مدورش علينا.
وفاء الله أعلم. أحنا لحد دلوقتى منعرفش أصلا هي مرات عمى علي خدتهم ومشيت ليه طب لو قلنا علشان أطلقوا. طب وأيه يعنى هي كل واحدة تطلق تاخد عيالها وتهرب لالالا الموضوع فيه سر!
نظر عبد الرحمن في الكشوفات للمرة الثانية وهو غير مصدق متمتما معقول !
قال صديقه متسائلا أيه الأسم فيه حاجة غلط
قال عبد الرحمن وهو مازال محملقا في الكشوفات لا ده صح جدا. جدا...
ثم نظر إلى صديقه بنظرات لامعة وكأنه عثر على كنز لتوه وقال هات ورقة وقلم بسرعة.
نقل عبد الرحمن بعض البيانات في ورقة خاصة وترك صديقه وأنطلق إلى سيارته في سرعة عائدا إلى الشركة بلهفة وهو
يتخيل سعادة والده بالخبر الذي يحمله إليه وصل إلى مقر الشركة وصعد إلى أبيه في سرعة ودلف إلى مكتب هند وهو يقول في عجلة من أمره
هند بابا جوه مش كده
وقفت وعلى وجهها علامات الاستنكار من أسلوبه فهو لم يلقى حتى عليها السلام وقبل أن تتفوه بكلمة تركها وتوجه للمكتب وطرق ودخل.
كان يتوقع أن يجد أبيه بمفرده ولكنه وجد عمه إبراهيم وولده وليد وشاهد أخيه يوسف يقف بجوار أبيه الذي نظر إليه وقال
كويس أنك جيت يا عبد الرحمن تعالى
قال عبد الرحمن بشغف أنا لسه واصل من المطار حالا يا بابا ومش هتصدق عندى ليك مفاجأة بمليون جنية
عقب يوسف ساخرا أحنا اللى عندنا مفاجأة بعشرة مليون مش مليون واحدة
نظر له عبد الرحمن بتساءل فشاهد والده يتناول خطاب مفتوح أمامه ومد يده به وهو يقول.
مرات عمك علي بعتتلنا جواب
أخذ عبد الرحمن الظرف ونظر إليه بتمعن وقال ده مفيش عنوان ولا ختم ولا حاجة. الجواب ده وصل هنا ازاى
قال حسين شارحا هند جبتهولى مع البوسطة وقالتلى أنها لقيته في صندوق البريد اللى في مدخل الشركة وطبعا بما أنه مكتوب عليه خاص وأسمى فمحدش فتحه غيرى
صمت عبد الرحمن وقال بتفكير يبقى أكيد هي اللى حطت الجواب في الصندوق
قال إبراهيم متسائلا يعنى أيه يابنى الكلام ده.
قال عبد الرحمن على الفور ماهى دى المفاجأة بتاعتى. أنا لقيت اسمها في الكشوف. جات أول امبارح ومشيت امبارح بالليل. يعنى باتت ليلة واحدة. وأكيد هي أو حد تبعها اللى حط الجواب ده في الصندوق
ألتفت الحاج حسين إليه قائلا بنفاذ صبر يعنى مقرتش الجواب يا عبد الرحمن!
أنتبه عبد الرحمن وفتح الخطاب وقرأ ما فيه بصوت مسموع قليلا أزيك يا حسين. أنا أحلام مرات أخوك علي الله يرحمه. قصدى طليقته. أنا عارفة انك هتستغرب وعارفة انك مكنتش متوقع انى ابعتلك بعد السنين دى كلها. ومعرفش اذا كنت هتفرح بالجواب ده ولا هتقطعه وترميه في الژبالة. أنا مش هفتح في القديم يا ابو عبد الرحمن انا بعتلك الجواب ده مخصوص علشان ولاد أخوك. إيمان وإيهاب ومريم. يا ترى فاكرهم ولا لاء. بلاش تخلى القديم يقف بينك وبين ولاد اخوك اللى من لحمكم ودمكم.
ماهو مش معقول تبقوا انتوا عايشين في العز وولاد أخوك بيشتغلوا علشان يعرفوا يأكلوا نفسهم علشان مش عايزين جوز امهم يصرف عليهم. الولاد في مصر ومبقاش في داعى انى اخبيهم تانى هما خلاص كبروا ويقدروا يحددوا هما عاوزين ايه انا هديك عنوانهم وانا متأكدة انك لما تروح وتشوفهم عايشين ازاى ضميرك مش هيسمحلك تتخلى عنهم.
رفع عبد الرحمن نظره من الخطاب متعجبا وهو يقول في السيدة زينب! ولاد عمى في السيدة زينب السنين دى كلها واحنا منعرفش
قال وليد بسرعة يا جماعه مش عاوزين نتسربع لازم نتأكد الأول ان الجواب ده مش لعبة من حد. ولازم نتأكد هما فعلا هما دول ولاد عمنا ولا نصبه ما يمكن حد بيشتغلنا.
نظر إليه والده معاتبا تفتكر يابنى بعد الكلام اللى مكتوب ده هنقدر نصبر.
وليد يا بابا ماهو اى حد يقدر يكتب اى كلام علشان يصعب علينا. مش اى حد كده نصدقه
عبد الرحمن وكأنه لم يسمع شيئا توجه بالحديث إلى أبيه قائلا ها يا بابا تحب نعمل ايه
كان الحاج حسين واضعا رأسه بين كفيه غارقا في ذكرياته عائدا بها للخلف سنوات وسنوات
ياريتنى سمعت كلام ابويا الله يرحمه. الشك مالى قلبى يا حسين مش عارف اعمل ايه
حسين أهدى يا علي بس وصلى على