ۏجع الحنين بقلم ريحانه الجنه الحلقه الاولى

دياب ضحكت
ضحكت يعني قلبها مال وخلاص الفرق مابنا اتشال . يالا ياقلبي رحلها يلا قلها كل اللي بيتقال مستني ايه بعد الضحكة دي الضحكة فاتحالك سكة
يوسف ركب عربيته ومشي وراها تاني وبردوا شغل الكاست وسمعها الاغنية بردوا لعمرو دياب ضحكت 
ضحكت يعني قلبها مال وخلاص الفرق مابنا اتشال . يلا يا قلبي روحلها يالا قلها كل اللي بيتقال . مستني ايه بعد الضحكة دي الضحكة فتحالك سكة . مش هي دي اللي انت عاشقها وبقالها ياما شاغلة البال . ضحكت يعني حاسة هواك وموافقة تعيش العمر معاك . روح يا حبيبها ده انت حبيبها طمن شوقها اللي استناك في حد يستني علي ادي ده كفاية بس الضحكة ادي . شوف اهي ضحكت تاني يعني اللي شوفته ماكنش خيال . ضحكت يعني قلبها مال 

وفضل يوسف ماشي وراها لحد ماوصلت حنين قدام البيت ونزلت وهو ركن عربيته علي الناحية التانيه اللي قصاد عمارة حنين ونزل شافها لحد ماركبت الاسانسير وفضل واقف ساند علي عربيته وبيكلم نفسه
يوسف اممم ياتري بقي انتي في الدور الكام وانهي شقة طيب اسال البواب لا لا ممكن يقولها ووقتها تزعل وانا ماصدقت انها ابتدت تلين شوية طلع يوسف التليفون وبعت رسالة لحنين
يوسف حبيبة قلبي طلعت البيت
حنين بتقرأ الرسايل بس مابتردش عليه بس بتكلم نفسها
حنين هههههه والله ده فعلا مچنون بيتكلم اكناحنا فعلا مخطوبين ولافي بينا حاجة . اه اه يا يوسف انت ناوي تعمل فيا ايه .. واتنهدت حنين تنهيدة طويلة
يوسف مش مهم تردي عليا المهم انك بتقرأي كلامي . يلا بقي اطلعي في البلكونة خليني اشوفك قبل مامشي
حنين ههههه لا مش ممكن ده فعلا مخه ضارب بلكونة ايه دي اللي عايزني اقفله فيها الله يهديك يا يوسف
يوسف يلا بقي اصل انا مش حمشي غير لما أشوفك
وفض يوسف واقف قدام العربية وببيكتب لحنين لحد ما تليفونه رن تاني لانه كان بيرن كتير وهو مش عايز يرد علي حد
يوسف ايوة يا محمود في ايه عمال ترن وانا اقفل افهم مش فاضي الله
محمود معلش يا يوسف بيه بس الناس اللي انت مواعدها دي مستنين بقالهم اكتر من ساعة ونص وبملمك مبتردش عليا
يوسف اوه اوه معلش يا محمود انا نسيت خالص طيب بص انا نص ساعة بالكتير وجاي ماشي اعتذرلهم بس لحد ما اوصل يلا سلام
يوسف بيكتب لحنين . انا ماشي بس مش علشان زهقت لا انا نفسي طويل بس اتصلوا بيا في المعرض ولازم امشي . بس متقلقيش حاجي تاني .
يوسف اه علي فكرة حتوحشي . بحبك
حنين كانت بتقرأ كلامه وبتبتسم ومبسوطة اوي وكمان كانت واقفة ورا الشباك وبتبص عليه طول الوقت وعلي قد ما كانت عايزاه يمشي علشان محدش ياخد باله علي قد مازعلت انه مشي
في المعرض 
يوسف قابل الناس اللي كان مواعدهم واتكلم معاهم وخلصوا ومشيوا
وجه امير
أمير ايه يا ابني جيت ملقتكش ومشيت وقلت ابقي ارجعلك تاني ايه كنت فين
يوسف اسكت يا امير انا مبسوط اوي كان حتتة يوم
أمير اوعي تقولي
انك قابلتها
يوسف امم مش بالظبط هو انا كلمتها اه وقلتلها اني بحبها بس مش مقابلة يعني
أمير لا مش فاهم معلش اخوك غبي فاهمني ينوبك ثواب
يوسف حقولك بص يا سيدي .....
أمير ههههههههه لا مش ممكن ده انت مصېبة . حنين دي رجعتك ليوسف المچنون الله يخربيتك مش قادر ابطل ضحك
يوسف ههههههه انت بتقول فيها انا كنت حاسس اني رجعت زي ايام الكلية فاكر كنا بنعمل ايه مع البنات
أمير ايوة انتي حتقولي مكنش في بنت تاخد في ايدينا غلوة كانوا بيطبوا علي طول معلم
يوسف لا بس حنين حاجة تانية دي هي اللي في القلب بنت اللذين عسل وضحكتها تجنن ولا وهي متعصبة ومتنرفزة سكر تحسها قطة كدة حتي وهي متعصبة رقيقة كدة. بسكوتة انا مش عارف دي ام ازاي دي حاسيها طفلة كدة
امير يا عيني يا عيني بركاتك يا شيخة حنين والله انا خاېف لما تشوفها . تلاقيها عصام ابن خاتك هههههه
يوسف اخرس هي مين دي انا واثق ان حنين دي موزة المزز وحتي لو مطلعتش بالجمال اللي في بالي. حفضل احبها انا حبيتها كلها علي بعضها كدة مش مهم اي حاجة تانية
أمير طيب ياعم الحبيب انا كنت جايلك علشان اقولك اني مستفر مأمورية كدة اسبوع ولا اسبوعين وراجع علشان لو لقيت تليفوني مقفول ولا حاجة
يوسف تيجي بالسلامة يا ميروا خالي بالك من نفسك انا مليش غيرك
أمير يا عم خليها علي الله هي مۏتة ولا أكتر وبعدين ماخلاص راحت عليا والست حنين واكلة عقلك وقلبك مش سايبة لحد حاجة
يوسف هو صح واكلتني كلي بنت اللذين بس انت حبيبي يا ميرو خلي انت بس بتلك من نفسك
أمير سلام اول ماارجع حجيلك
بعد يومين في بيت هدي 
هدي تسلم ايدك يا حنين الاكل زي العسل
حنين بالهنا والشفا يا ست الكل
هنا وانا مفيش تسلم ايدك علي فكرة يا تيتة انا ساعدتها في المطبخ النهاردة
حنين ههههههه ايوة قطعت السلطة وحضرت السفرة
هدي ههههه متزعليش يا ست هنا تسلم ايدك
عمر ماما دي احسن واحدة بتعمل اكل في الدنيا كل اصحابي بيحبوا السندوتشات بتاعتها والبيتزا والحالويات كمان
هدي هو انتي كمان بتعملي سندوتشات لصحاب العيال
حنين اعمل ايه بس يا ماما كل يوم ماما صاحبي فلان عايز سندوتش كفتة . ماما صاحبي مش عارفة مين عايز سندوتش بانيه بقيت اعمله زيادة وهو بقي يوزع براحتوا
هنا كل اللي بيدوق اكل ماما بيحبه اوي
هدي ربنا يخليهالكم ومتتحرموش منها ابدا
حنين ولا نتحرم منك يا هدهود يلا انا حقوم اعمل الشاي لوخاصتوا خرجوا الاطباق في المطبخ
حنين وهدي بيشربوا الشاي
هدي الا قوليلي يا حنين
حنين نعم يا ماما
هدي انا حساكي كدة متغير اليومين دول كساكي مبسوطة وعنيكي بتضحك كدة
حنين ايه يا هدهود انتي بقيتي بتقرأي العيون ولا ايه
هدي لا صحيح قوليلي انتي عارفة انا ببقي مبسوطة لما بلإيكي فرحانة
حنين انا ببقي فرحانة مادم كلكم بخير . بقولك ايه زمان الغسيل خلص حروح انشره قبل ما امشي
هدي ماشي روحي . هدي بتكلم نفسها . يارب يا بنتي يريح قلبك ويرزقك باللي يصونك و يحافظ عليكي هشام الله يرحموا ميرداش انك تبقي وحيدة كدة
وفاتت الايام ويوسف كل يوم يروح لحنين قدام البيت ويقف يبص عليها وهي مبتردش عليه ولا بترضي تطلع البلكونة بتبص عليه من ورا الشباك وبس . لحد ماجي يوم وكان اليوم ده برد جدا وهوا فظيع ويوسف مش عايز يمشي.
الحلقة الثالثة عشر 
في المستشفي 
أمير خير يا دكتور يوسف عمل ايه طمني
الدكتور الحمد لله متقلقش هو بس اخد دور برد شديد والسخنيه كانت جامدة انحنا تبتدبنا ننزل السخنيه وان شاء الله حيبقي كويس
أمير طيب هو فاق ولت لسة
الدكتور لا لسة اصله كمان كان عاندوا هبوط في الدورة الدمويه واضح انه مأكلش حاجة بقالوا يومين وانا حلقتله محاليل وان شاء الله الضغط يتظبط ويفوق ويبقي تمام . عن اذنكم
محمود ان شاء الله حيبقي بخير يا امير باشا متقلقش . بس هي مين حنين دي
أمير وانت بتسال ليه
محمود اصل يوسف بيه وهو بيخترف كان عمال بقول اسمها
أمير تليفونه بيرن .. الو ايوة يا سيادة اللواء ..... انا أسف والله بس حصل ظرف كدة واتاخرت علي سياتك..... لا لا 10 دقائق وتلاقيني اقدام معاليك .... حاضر يا فندم متقلقش .. مع السلامة
أمير معلش يا محمود انت شايف انا لازم امشي دلوقتي وان شاء الله مش حتاخر بس انت اوعي تسبه لوحده فاهم
محمود انت حتوصيني علي يوسف بيه . متقلقش انا مش حسيبه اتفضل انت شوف شغلك
الممرضة لو سمحتم يا ريت حد يفوت علي الحسابات
أمير انا حفوت عليهم دلوقتي وانا ماشي
محمود لا امشي انت انا حفوت عليهم
أمير ياابني انا حتفع ملكش دعوة
محمود لا لا اتفضل حضرتك وانا حفوت عليهم دي فلوسه انا مش حتفعله حاجة من جيبي
أمير اوك سلام مش حوصيك متسبهوش
في أوضة يوسف نايم ومش حاسس بحاجة وقاعدة جانبه ممرضة
الممرضة بتملس علي شعر يوسف وتتنهد . اه يخربيت حلوتك انت ايه معمول من ايه
دخلت ممرضة تانيه يا لهوي انت بتعملي ايه انتي بتتحرشي بالمړضي
الممرضة الاولي نعمة ششششش بس وطي صوتك ايه اللي بتقوليه ده
الممرضة التانية عايدة اومال انتي كنتي بتعملي ايه انتي مچنونة
نعمة ولا حاجة انا بس كنت ببص عليه اصله قمر ابن اللذين
عايدة هههههه طيب والله تلاقيكي فعلا كنتي بتتحرشي بيه
نعمه ههههه ايوة واللي يطولني اعمل اكتر من كدة واتبل عليه واخليه يتجوزني
عايدة ههههههههه اه يابايرة . يابت اتلمي لوحد سمعك حتروحي في داهية
نعمة يا ختي بقي طب بذمتك نش قمر. ده شبه الممثلين اللي بيطلعوا في المسلسلات التركي
عايدة هو من ناحية قمر فهو قمر اووووي بس اتلمي شوية وتعالي معايا بدل الدكتور مايبهدلنا
نعمة علي عيني اسيبه وامشي بس يلا حبقي ارجعله تاني
في البيت عند حنين 
حنين اليوم بيخلص وحنين مستغربة يوسف مبعتلهاش اي رسالة. خالص ده كان الفترة الاخيرة كل شوية يكلمها يطمن عليها ويبعتلها في اغاني . حاست ان في حاجة ناقصاها واقتقدت الاهتمام اللي يوسف كان محسيها بيه
حنين كدة طول اليوم متكلمش خالص ايوة اكيد بيتقل عليا ما انا رديت عليه امبارح وكلمته وكمان خرجت البلكونة حس انه خلاص عمل اللي كان عايزه طيب ماشي يبقي بقي يبعتلي تاني وانا مش حرد عليه هاه يتفلق
في المستشفي 
أمير قاعد علي كرسي قصاد يوسف وكان لسة مافقش . بس ابتدي يفوق
يوسف بصوت تعبان ورايح خالص . أمير انا ايه اللي جابني هنا
أمير اخيرا . حمدلله علي سلمتك يا جو كدة تخدني عليك
يوسف اه مش قادر دماغي ۏجعاني اوي وصوتي رايح خالص . هو انا جيت هنا ازاي انا مش فاكر حاجة
أمير كنت مغمي عليك وسخن وبتخرف وجبتك انا ومحمود علي هنا . الله يخربتك جبتلي الغضروف عمال تربي في عضلات كل يوم في الجيم ربنا يهدك
يوسف هههههه يهدني اكتر من كدة اهو كل ده من قرك . انتي
اللي شكلك خلاص. الستات خلصت عليك وبهدلت صحتك
أمير والله . طيب يا اخويا ماشي . احكيلي بقي ايه اللي تعبك كدة وبهدلك
يوسف اصل كنت عند حنين . ايه ده حنين انا مكلمتهاش النهاردة اي فين تليفوني يا أمير بسرعة
أمير طب اهدي بس انت
لسة تعبان . اتفضل يا عم التليفون اهو
يوسف بيكتب لحنين
يوسف حبيبتي وحشتيني عاملة ايه
يوسف معلش اصلي تعبت شوية ومعرفتش اكلمك
يوسف حنين انتي مبترديش ليه