نقلا عن هبه عبد اللطيف ساحر بنغازي

تعالى بقى أفسرلك الليلة دي كلها.. 
لو تلاحظ قبل كده كتبت لك بوست وقلت لك فترة غربلة ربانية شغالة هتوقع مفسدين وظالمين كتير أوي وخاصة ما يتعلق بالعالم الآخر أو العالم الروحاني اللي بيخص السحرة لعڼة الله عليهم.. 
اللي حصل ده لو بجد حقيقي ومش اشتغاله فهقولك أه بيحصل وكل الأسحار دي موجودة وبتتعمل والدنيا كلها متدمرة حقيقي وفيه سحر حجب عن الرؤية وعقد لسان وفقد السيطرة وسلب الارادة وكل ده بيحصل لما ربنا يأذن بأمر الضر.. 

ثانيا لما بيحصل قبض على اتنين زي دول استحالة ميكونش فيه ترتيبات من قبلها مع جهة محاربة ليهم.. 
هتقولي مش فاهم يعني ايه! هقولك يعني ناس بتحارب السحرة فعلا وبتدخل معاهم ومع شياطينهم وخدمتهم من الجن في حوب لأن ده مش مجال للمخاطرة.. 
ثالثا مفكرتش ليه المخفي وأخوه واقفين يعترفوا عادي وهما عارفين أنه في لحظة رقبت هم هتطير! 
حاجتين 
الأولى إما أنه تم سحب كل الخدمة اللي معاهم من الجن زي كده ما تجيب حية وتفرط أنيابها فميبقاش فيها سم وأذاها يضعف.. 
أو أنه عارف هيعمل ايه بعد كده ومش همه وواخد ده كنوع من الفخر.. 
العجيب بقى المخفى إبراهيم هرب فعلا والناس متخيله إن الجن هربه!! 
طيب مفكرتش ليه أنه استغل خوف حد جوه السچن واشتغل عليه أو سحره فعلا وخلاه هرب!! 
ولو الجن عارف كل حاجه والغيب والمستخبي مراحش حذرهم ليه! لكن هقولك ربنا قدرته فوق كل مخلوق واللي حصل ده ما هو إلا تطهير شغال وغربلة وهيحصل كتير أوي وهتسمع عن القصص
دي بمختلف المواقف.. 
زي ما حصل كده في صفحة الواد اللي عمل نفسه ساحر وفض ح الناس في أربد 
والدنيا بردو قامت وكان حقيقي مش مجرد تريند.. 
عقبال بقى ما يحصل عندنا ويتكشفوا ويطلعوا المسرح كلهم اللي بيسحر واللي بيروح لساحر.. 
وخلي بالك الساحر ملوش ملامح معينه ولا مكتوب على وشه أنه ساحر.. أهو قدامك اتنين أهم لو قابلتهم في الشارع مش هتعرفهم.. 
ميعرفهمش إلا ناس معينه بتشم ريحتهم 
اه والله السحرة ليهم ريحة كريهة مش بيقفشها إلا اللي شفافيته عاليه.. 
وكلامي ده جد مش هزار خالص.. يعني ممكن تقع في واحد منهم ويخدعك زي ما قال أحمد كده أنه كان بيكتب قدام ضحاياه اللي بيوهمهم بالعلاج آيات قرآن وبعدها يرش ماء فيه السحر!! 
ويقولك ده العلاج وشوف ده كلام ربنا وهو عامل مصېبة.. 
وأتمنى من الأزهر الشريف يهتم بمحاربة السحر والدجل والشعوذة ويعمل مراكز للعلاج تحت اشرافهم.. 
ارحموا الناس من الڼصابين ارحموهم من الدجالين السحر موجود وأنتم عارفين كده.. 
ثانيا المشرع القانوني أرجوكم كفاية بقى وياريت تعدلوا القانون وميبقاش السحر والسحرة مجرد ڼصب وبس غلظوا العقوبات وساعدوا في انقاذ الناس من هلاك.. 
القصة مرعبة وبتزيد مش بتقل للأسف..
لو عايز تسمع اعترافات المخفي وأخوه هتلاقيها على يوتيوب وتيك توك 
ساحر_بنغازي
هبةعبداللطيف