مأساه حوريه

سمر جابت الولاعة وقالت بضيق وهي بتديهالو... خد اهي
كريم... افردي وشك ياروح امك 
في بيت عمه
خلي بالك ياروح امك. قدرية دي حيزبونة ومش هترتاح غير لما تقلب جوزك عليكي 
هنا... ياماما انا اكتر واحدة عارفة سمها. بس كريم بيحبني ومهما تحاول تسخنو من نحيتي مش بتعرف لانو مابيسمعلهاش اصلا 

اختها الكبيرة... خلي بالك وخلاص ياختي انتي مش انصح منها. دي وليه قادرة.. انتي مبتشوفيش بتعمل ايه مع حورية.. دي كل يوم والتاني تتسببلها في علقة من جوزها

هنا.. ياجماعة هي بتعمل كده مع حورية علشان مش بتخلف 
امها بتمني.... ربنا يديها يارب ويراضيها دي تستاهل كل خير 
هنا وسهي امنو علي دعائها وهنا كملت وقالت... دا غير بقا ان محمد غير كريم خالص. محمد بيسمع لامه وغير كمان انه طبعه وحش وعصبي. مبيعرفش يتكلم غير بإيده
سهي قالت بسخرية ... علي اساس ان كريم اللي غلبان اوي ياختي..اللي يسمعك ميقولش انو مربيلك الړعب 
كملت بضحك... دانتي لما بتبقي عاملة عاملة وخاېفة منو بتبقي هتعمليها علي روحك وبتقفي قدامو زي الفار المبلول 
هنا بغيظ... منك لله. بوظتيلي هيبتي خالص
سها بضحك... طب مش كده ياماما
نڤين امهم بضحك... حصل. . اللي عاملة فيها سبع رجالة في بعض دي
هنا بصتلهم بغيظ وقالت....هو انتو هتحفلو عليا ولا ايه.. وبعدين انا مبخافش من حد. كل الحكاية اني بحترمه بس
في اللحظة دي اتنفضت مرة واحدة لما سمعت صوت كريم بينادي عليها من بره پغضب لما قال....ياهنااااا. انتي ياااابت
بلعت ريقها بړعب وهي بتقول بزهول... احييييييه احيييه عليا ربنا يستر 
كملت پخوف .. هو مالو بينادي عليا بزعبيبو ليه
وابتدي جسمها يترعش كعادتها لما تخاف وهي بتقول بړعب... هو هيعمل فيا ايه. ولا انا عملت ايه. يارب نجيني يارب دا انا غلبانة
وهي بتاخد تليفونها بسرعة علشان تخرج له
لاحظت سها اللي عمالة تضحك علي منظرها وهي بتقول واضح انك مش پتخافي خااالص 
هنا بغيظ... مش عيب يعني لما اخاڤ من جوزي 
وجريت علي بره بسرعة لما سمعت كريم تاني وهي بتقول.... ن نعم ج جاية ا اهو
خرجت لاقيته واقف والڠضب باين عليه وقبل ماتتكلم قالها.... بتعملي ايه عندك ياروح امك 
هنا پخوف... ف في ايه ي يا كريم. ك كنت قاعدة مع ماما شوية وسها. سها جات النهاردة جيت اسلم عليها
كريم خدها ودخل البيت وهو بيقول ... طب خفي شوية ياروح امك واتكني في شقتك. مش كل ماهرجع بره ملاقيش امك في البيت
كمل بتحذير....مش عاوز ارجع في يوم من بره وملاقكيش في الشقة. علشان لو
هنا قاطعته بسرعه ... حاضر والله حاضر.. بس هو انا يعني عملت ايه ل ده كله. وفيها ايه هو انا بروح عند حد غريب انا بكون عند ماما
كريم... انتي اتجوزتي ياماما وبقيتي مسؤلة عن بيت. اكبري بقا. مش كل شوية هجيبك من عند امك 
هنا حاولت تجر ناعم وتهديه قبل مايدخلو ورشا وقدرية يشمتو فيها
وقفت في مدخل البيت قبل مايدخلو شقة امه و قالت بدلع... طب وهو انا يعني كنت قصرت معاك ياكيكو
كريم... ااه. مقصرة واوي كمان 
هنا قربت باسته وقالت... علشان بس الحمل ما انت عارف 
هيرجع تاني. واقوي من الاول كمان 
وقربت باسته تاني 
بقلم فريدة احمد 
كريم بعد مابلع ريقة لكن اتمالك حاله و رجع رسم الجمود علي وشه وقال... بت انتي. دلع امك ده مش هياكل معايا.. تترزعي في البيت هنا وتبطلي تنطيط كل شوية عند امك.