رواية حبيبي المجهول بقلم زهرة الربيع

ليه
اميره قالت بزهول شديد... مستحيل انت ايه اللي انت بتقوله ده... مرات عمي كانت تبعت لي صور لزياده على طول كل ما يتصور صوره كانت تبعتها لي
مراد ابتسم بسخريه وقال... مرات عمك بتقف مع ابنها هي اصلا مش بتطيقني... انتي لو فكرت شويه وشغلت دماغك هتعرفي ان في فرق كبير قوي بين اللي كان يقابلك واللي بيبعت لك الرسائل انتي الوحيده اللي تعرفي الفرق

قال كده واخد هدوم وراح على الحمام وهو متضايق وهي قعدت على السرير بزهول شديد ....وبقت تفكر وترجع بدماغها وافتكرت حاجه مهمه ... اول مره راح لها زياد النادي
فلاش باك 
كانت قاعده على الطاوله بتقرا في كتاب وجيه ذياد وقال صباح الورد.... انا زياد الجبري مش عايزه اصدمك بس انا خطيبك... اوعي تكوني حاطه حاجه في بالك احلى من كده اكون بوظت امالك
اميره ابتسمت بدهشه وقالت..... ايه ده بجد ....حمد لله على السلامه يا مراد تقريبا قصدك مراد مراد الجبري مش كده
ذياد قال بارتباك ...لا لا انا اسمي زياد ....مراد اخويا الكبير بس تلاقي عمي اتلخبط في الاسم بدل ما يقول لك زياد قال لك مراد
باك
اميره قعدت على السرير بزهول شديد وقالت.... ازاي كده انا مش فاهمه حاجه... طب انا اصدق مين دلوقتي
و مسحت دموعها ووقفت جريت على الدرج جابت ورقه وقلم فضلت واقفه مستنياه يطلع
اول ما خرج من الحمام وهو بينشف شعره بالفوطه قالت بسرعه.... خد اكتب لي جواب
بقلم زهرة الربيع
مراد ضحك بخفه وقال ....هو ده هيبقى اختبارك
اميره قالت بسرعه .....ايوه انا حافظه خط الشخص اللي كان يبعت لي الرسائل اكتب لي اي حاجه اتفضل ولا خاېف
مراد ضحك وهز راسو بيأس منها واخد القلم وكتب جمله من اول جواب كتبه لها كتب
فكرت كتير عن اول مكالمه بينا فكرت اتصل بيكي واسمع

صوتك بس حسيت بغيره من التليفون ازاي ممكن ېلمس خدودك.... لقيته كمان مش مناسب الاتصالات للبنات مش للاميرات ....دول ليهم طريقه خاصه واجملها كتابه الورق حروفها بتطلع من القلب مش اللسان وبتترسم پالدم وبتقراها العيون وبيبقى عليها شهود...خلي قلبك شاهد يا اميرتي على اول جواب من حبيبيك المجهول
كتب كده وداها الورقه واول ما قرت كلماتها اللي حفظها في قلبها وشافت خطه اللي مرسوم في عيونها نزلت دموعها على الورقه بغزاره بصيت له بدموع وقالت....ليه..ليه ما قولتليش كنت قلت لي من يوم في العزا ليه استنيت الوقت ده كله
مراد شدها ليه وسند جبينه على جبينها وقال بهمس... استنت قلبك القاسې ده يعرفني بس طلع غبي زي صاحبته
اميره ضړبت على قلبها پغضب وقالت بدموع....غبي قوي وحياة عيونك انت كل ما اشوفو كنت احس ان مش هو نفس الشخص مش هو البني ادم اللي حافظني وعارف انا بحب ايه اللي بيعاملني على اني اميره فعلا وخارجه من قصه اسطوريه مش هو ابدا
مراد اتنهد وقال.... طب اتكلمي قولي اي حاجه اي حاجه تحسسني انك حسيتي بيا انا كنت ناوي اول ما انزل من السفر اجيلك واتكلم معاكي بس بابا تعب جدا وفضلت جنبه .... على العموم اللي حصل حصل
اميره قربت منه وحطت ايديها على خدوده وقالت.... اللي حصل اني اسفه قوي اسفه على كل دقيقه اتعذبت فيها اسفه على الوقت اللي قضيته مع غيرك
مسك ذراعها پغضب وقال.... وقت ايه اللي قضيتيه مع غيري هو انت كنتوا تعملوا ايه هو انت كنتوا تتقابلوا فين اصلا
اميره ضحكت جامد بسعاده واترمت في حضنه