مثلث عشق ( سوليية نصار )

الخطوبة بعدها علطول ولحد ما يجهز شقته علي الاخير نتجوز ...كانت كل حاجة بتمشي بسرعة ...بسرعة رهيبة ...
تاني يوم روحت الشغل وانا حزينة اول ما دخلت المكتب بتاعي قابلتني إيلا صاحبتي واللي كانت عارفة بموضوع قراية فاتحتي وزغرطت وقالت
-اهي جات العروسة...
غمضت عيني بغض ب أنا قولتلها متتكلمش لكن نسيت أن إيلا متقدرش تخبي كلمة ..الفولة مبتتبلش في بوقها ...
حضنتني ايلا وهي مبسوطة وشوفت الموظفين كلهم متجمعين في المكتب فرحانين وبيباركولي ...بصيت علي أيوب اللي لقيت عينيه الرمادية بتلمع بغض ب شديد وغير ة ...ومعرفش ليه وقتها كنت طايرة من الفرحة عشان شوفت غيرته !!
مر يوم الشغل بسلام ومعملش اي حاجة ...كان بس بيشتغل بغض ب ...
جه الليل ...
كنت قاعدة بقرأ رواية من رواياتي لما رن تليفوني مسكته وقلبي دق لما لقيته أيوب ...مفروض مكنتش ارد ...بس رديت وقلبي بيدق ...
-ألو ...
-انا تحت بيتك انزلي بسرعة ...
-يا مجنو ن ...
قولتها بعصبية وانا بلبس هدوم مناسبة وبضبط شعري عشان انزل ...واخترعت حجة اني هشتري حاجة من السوبر ماركت ونزلت ....
-انت بتعمل ايه هنا !
قولتها بغض ب ...
فسحبني هو لمكان مفهوش ناس كتير عشان محدش يعرفني ويشوفني معاه وقال بصوت متوتر
-انا مش قادر استوعب أني هخ سرك ...مسك متعمليش كده ...أنا معرفتش اكل النهاردة وحتي اتخا نقت مع حور ...مش طايق نفسي من اول ما عرفت الخبر ...
رفعت راسي وقولت بصوت مخ نوق
-ده اللي أنا حسيت بيه لما اتجوزت واكتر كمان ...
حط ايديه علي وشي وقال
-خليكي معايا متسبنيش ...متسبنيش ...
وبعدين حضڼي ...لوهلة ضعفت وحضنته بس بعدين بعدت وانا برجع لوعي وز قيته ومشيت بعيد عنه ...وقفت لحظة وانا ببصله وانا ببكي ...كان قلبي وا جعني ...وقتها كر هت الحب وكر هته لاني ضعيفة بالطريقة دي قصاده...فتح هو ايديه ليا وانا مقدرتش اتحمل اكتر جريت عليه وحض نته وانا بعيط جامد ...حضڼي جامد وهو بيقول (بقلم سولييه
-يا حبيبتي ...يا حبيبتي ..أنا بحبك!
يتبع
مثلث العشق
سولييه نصار
الجزء الثالث 
-هتسبيه !
قالها أيوب وهو يبيوس أيدي ...مسحت دموعي وهزيت راسي وقولت
-حاضر هسيبه ...
-تتصلي بيه دلوقتي وتقوليله انك اتراجعتي عن الموضوع ...
قالها بغيرة ...قلبي دق جامد ...غيرته تاني اجمل حاجة بعديه هو ...
قولت بنعومة
-مينفعش يا أيوب كده ممكن امي تش ك ..بكرة هبلغهم الحوار ...
-تمام بس خلصي الموضوع ده بسرعة يا مسك لو سمحتي ...
-حاضر ...
ابتسم ليا وباس راسي وقال
-ودلوقتي روحي البيت اشوفك بكرة ...سلام ..
-سلام...
قولتها وانا قلبي بيطير من السعادة ومشيت من قدامه وروحت البيت ....
بعد ما دخلت اوضتي فضلت الف حوالين نفسي من السعادة فجأة اتجمدت مكاني وانا بشوف برواز مزدوج فيه صورتي أنا وحور واحنا صغيرين وصورة واحنا وكبار ...دموعي نزلت بكسوف وحطيت أيدي علي وشي وبدأت ابكي