مثلث عشق ( سوليية نصار )

بة أيوب !!
كان شكلي احلي وعرفت أن كارم هيطير بيا ...
دخلت المحل بهدوء وابتسمت وانا بشوفه...
-مبروك علي المحل ..
قولتها برقة فبصلي بدهشة وقال
-مسك نورتي المحل ..
-اعذرني مباركتي جات متأخرة ..
-مفيش مشكلة ولا يهمك ...
اتنهدت بتوتر وقررت ادخل في الموضوع علطول وقولت
-انا موافقة اتجوزك يا كارم!
يتبع
مثلث العشق
سولييه نصار
الجزء السادس
-كارم رد عليا بقولك موافقة اني اتجوزك ...
كنت بقولها بعصبية وانا شايفة عينيه باهتة مفيهاش اي حب ليا ...
-مسك أنا ...
-انت ايه ..انت ايه هترفضني دلوقتي ..
قولتها بجنو ن ودموعي بتنزل ...مكنتش مصدقة ...لا لا. ..ده مبيحصلش هو مش هيرفضني ...هو بيحبني ...
مسكت ايده جامد وقولت
-انت بتحبني مش كده ...بتحبني يا كارم ...
شال كارم ايديه وقال وهو بيتنفس بعمق
-يمكن يكون ده صح ويمكن يكون لسه فيه شوية مشاعر ليكي بس انا مقدرش اتجوزك ...
كلامه خلاني اټصدم ...حسيت روحي بتتسحب ...معقول كارم اللي حفي عليا سنين واتقدم كتير واترفض يرفضني ...معقول يرفضني بعد ما أنا وافقت عليه ....
عينيا بدأت تدمع ودموعي تنزل وقولت
-انت بترفضني ..
بص للأرض شوية ...كان عايز يقول حاجة بس متردد ...بس اخيرا بصلي وقال
-من يومين شوفتك معاه ...جوز صاحبتك ...كنتوا خارجين من السينما وماسكين ايد بعض وبتضحكوا ..
وشي بهت وبصيت للأرض وانا مكسوفة فكمل هو
-ده جر حني اووي يا مسك ...وعرفت اخيرا ليه بعد ما وافقتي عليا سيبتيني ...عرفت أن عمرك ما حبتيني وحتي دلوقتي انتي جاية تطلبي مني اتجوزك لغرض في دماغك مش عشان بتحبيني ..معرفش اي الغرض ده بس سامحيني مقدرش اكون لعبة تحركيها زي ما انتي عايزه ...أنا حبيتك يا مسك ...حبيتك اووي واكتر مما تتخيلي ...
سكت وابتسم بحزن وكمل
-صحيح ممكن ميكونش شكلي احسن حاجة بس اتمنيتي تبصي لقلبي اللي حبك ..
هز رأسه وقال
-انا مش بلومك علي فكرة ... حقك تختاري حد متقبلاه شكليا بس مش من حقك تلعبي بيا وبمشاعري ..لما شوفتك معاه اخدت قرار اني انساكي وفعلا هنساكي يا مسك واتجوز واحدة تحبني وانتي ربنا يكرمك بواحد يحبك ...ونصيحة مني ابعدي عن الراجل ده لانه مش بيحبك ...دي مجرد نصيحة مني .. .
كانت الإها نة قاسېة منه ...صعب ان الشخص اللي حفي ورايا يرفضني بالطريقة دي ...دموعي نزلت وانا بزعقله واقوله
-لا شكرا يا اخويا وفر دعواتك ونصايحك لنفسك ....انت فاكر نفسك مين عشان ترفضني ...مين اصلا هتقبلك بشكلك ده ...انت كمان هتتكبر ...أنا اصلا اللي غلطانة اللي رضيت اديلك فرصة !!
حسيت أن كارم اتجر ح من كلامي فقال ببرود
-اطلعي لو سمحتي يا مسك ...اطلعي برا !!!
روحت البيت وانا بعيط ...مكنتش مصدقة أنه عمل كده. مش مصدقة أنه رفضني ...قلبي وا جعني لما كارم رفضني ...معرفش ليه حسيت بالحزن ...
في اليوم التاني ....
قررت اسيب الشغل وقدمت استقالتي