روايه روعه

صاحبه بالحياة!
رؤية صاحبتي جاتلي البيت عشان نتحرك سوا وأول ما شافتني قالتلي بكل إنبهار إيش هذا الجمر يا بعد عمري دا يبخته اللي أنت من بخته وربنا.
ضحكت وضحكت معايا وحضنتها وكلي إمتنان للحظة اللي جمعتنا.
دخلنا القاعة وفجأة قلبي أنقبض يمكن عشان في نفس اليوم دا كان هيحصل فرحي! حركت راسي وكأني بنفض أفكاري وببعدها عني إبتسمت وكملت طريقي.
_ معلش يا دنيا هروح أسلم على صحباتي خمسة كده وجيالك.
ماشي يا رؤية اتبسطي وأنا كمان هشوف مكان كده واقعد فيه. 
_ متبعديش بس وحاسبي تتعاكسي آه أنت مش جاية مع كيس جوافة. 
طب يلا يجوافة من هنا.
بصيت ولقيت زي قاعدة بلكونة كده في نهاية القاعة اتنهدت ولسه همشي سمعت جملة وقفتني.
شوفتي العريس والعروسة لايقين على بعض أوي ماشاء الله.
افتكرت إني مشوفتش لا العريس ولا حتى العروسة قولت أشوف مين اللي الناس فرحانة بيهم دول ولسه ببص لقيت العريس مراد!!!!!!!!!!!! 
البارت_التاني
_ مراد!!!!!!
كررتها پصدمة وشفايفي عماله تترعش رجعت خطوتين لورا وثباتي أتخلى عني لدرجة إني كنت هقع لولا واحدة سندتني وقالت كلام كتير مسمعتش منه حاجة رجعت بصيت عليه بعيون ممزوجة بغيمة دموع شوفته قد إيه مبسوط بيها...كان بيرقص معاها وضحكته مفارقتش وشه ولا حتى قلت بالعكس كانت كل شوية توسع وتزيد عيونه كانت بتلمع وهو ييبص عليها!!!! إزاي قدر يكون كل المشاعر دي في شهرين!!!! إزاي قدر يجدد مشاعره ويتعافى من علاقتنا!! طب وأنا...أنا كمان عايزة أتعافى ليه مش قادرة أعمل زيه رغم إن هو اللي جالي وكان مصر على إني أدخله حياتي وأديله فرصة..طب جالي ليه من الأول!
مشيت...حاولت أبعد عن الناس بقدر الإمكان مشيت وأنا ببكي ومش عارفة أحدد إيه سبب عياطي!! هل لإني رجعت لنقطة الصفر ولا لأنه حبسني في قفص حبه ومش قادرة أخد خطوة التعافي من الحب السام دا ولا
لإني اتنسيت كأني ما جيت فعلا!! ولا لأن في واحدة تانية بتعيش أحلامي دلوقتي!!
وصلت البلكونة اللي في أخر القاعة دخلت وحطيت إيدي على شفايفي عشان صوت شهقاتي ميوصلش لحد.
حاولت أخد نفس وفضلت أدعم نفسي.
_ هششش هششش بس...بس متعيطيش...متعيطيش هياخدوا بالهم.
كررت الكلام أكتر من مرة على إني أشتت تفكيري وأبطل عياط بس للأسف مقدرتش وقعدت أعيط أكتر 
قولت بصوت عالي نسبيا.
_ هو أنا بقيت عيوطة ليه كده!!!!!!!!
سمعت صوت رجولي منمق العفو.
بصيتله فجأة ولقيته هو..هو اللي حطلي علبة المناديل في الشنطة وهو اللي شافني وأنا بعيط قبل كده بصيت الناحية التانية ومسحت دموعي.
_ واضح إنك واخدة العياط أسلوب حياة وبتعيطي في أي مكان. 
أتصدمت من كلامه بصيتله لقيته هادي قال جملته بكل سلاسة وكأنها شئ طبيعي.
جاوبته بعصبية وواضح إنك قليل الذوق ومبتفهمش.
مشيت ولسه هخرج من البلكونة لقيته قال جملة صعقتني تعرفي إنه أتجوزها بعد ٥ سنين حب.
أتصنمت مكاني...عيوني كانت وشك إنها تخرج من مكانها وأنفاسي حاولت أنظمها مقدرتش...رددت جملته جوايا يعني أي ٥ سنين!!!!! حسيت الدنيا كلها بتلف حواليا ومحستش بنفسي غير وأنا بقع بين إيدين صلبة.
_ البنت سابتك!
اه يا عمر...أحسن كده كده كنت خاطبها مراضية لأهلي مش أكتر. 
_ وناوي تعمل أي يعم مراد. 
أقولك ك عمر صاحبي ولا أخويا 
_ لا قولي ك عمر أمك. 
ضحك وقالي بكلمك بجد. 
مش موافق.
قولتهاله بدون مقدمات لأني عارف إن مراد عينه على أختي من خمس سنين بس مدام سمع كلام أهله وخطب مرة يبقى لا يؤتمن.
_ أنا عارف إن خطوة خطوبتي دي هي اللي مخلياك مش واثق فيا. 
لماح ماشاء الله.
_ يا عمر صدقني كانت خطوة لابد منها. 
صغير أنت هاا 
_ أتريق كمان.
بصيتله بجمب عيني وقومت ألبس چاكت البدلة عشان أتحرك على الشركة أينعم هي شركة أحجار صغيرة أسستها أنا وعمر بس إن شاء الله بكرا تكبر.
وقف قدامي وقال برجاء طب شوف أختك ولو رفضت أوعدك مش هفتح الموضوع دا تاني.
_ لو البنت مكنتش سابتك كنت هتكمل 
لا طبعا.
_ كنت هتسيبها أنت 
بص في الأرض ومجاوبش بس أنا وصلي جوابه إبتسمت وقولتله يبقى لا تؤتمن برضو يا مراد يخويا.
خرجت وركبت عربيتي اليوم دا جاتلي مكالمة إن الأحجار اللي كنا هنستلمها ڠرقت في البحر أتعصبت واتخنقت. 
_ إزاي يحصل كده دي ثفقة مش قليلة ازااااي!!!!
كملت قولتها جوايا أول ما سمعت صوت عياط.
نزلت من العربية وقولت أروح أقعد بعيد عنها عشان أنا مش ناقص نكد بصراحة.
يعني إيه مفيش مناديل!!!!!
سمعتها بتزعق بنبرة ممزوجة بعياطها وراحت رمت الشنطة على الأرض محتويات شنطتها وصلت عند رجلي اتنفست بصوت عالي وبعدين استغفرت وأنا بمسح وشي بكف أيدي.
_ استغفر الله العظيم يارب.
نزلت على الأرض ولمېت حاجاتها وطلعت علبة مناديل من جيبي حطيتها في الشنطة وقدمتهالها بكل ذوق.
أنت مين وبتعمل أي هنا هو مفيش أي احترام للخصوصية خالص
_ دا على أساس إننا في شقة بيتكوا!! إحنا في نص الشارع حضرتك الكرسي اللي أنت قاعدة عليه دا مرافق عامة يا ماما.
سبتها ومشيت وعفاريت الدنيا كلها بتتنطط قدام وشي.
وصلت الشركة ولقيت مراد حالل المشكلة ومدي مهلة أسبوع للناس اللي كانت هتستلم مننا الثفقة وكلم حد تبعه يتصرفلنا في الأحجار دي.
_ أظن كده تخطبلي أختك بقا ملكش حجة.
أخرك معايا مكافأة. 
_ بأختك 
ولاااااا.
_ يعم هتبقى مراتي في الحلال يعني أكيد مقصدش اللي في دماغك. 
لا حلال ولا حرام ركز ف شغلك. 
_ طب كلمها...كلمها يسيدي هو أنت هتخسر حاجة!!!!! دا أنت غريب جدا. 
قالهالي وكأنه عيل صغير بيترجى أبوه يجيبله حاجة حلوة وأبوه مش راضي.
ضحكت وقولتله هحاول. 
روحت البيت وقررت أفاتح لارا أختي عشان أخلص من زن مراد وفي وسط كلامي معاها أكتشفت إن هي كانت معجبة بيه من زمان ومعندهاش مشكلة في موضوع خطوبته السابقة وإن الحاجات نصيب وقالتهالي بالنص كده 
مش يمكن دي إشارة يا عمر عشان يجيلي أنا ونبقى لبعض
مستغربتش صراحتها لأني معودها على الصراحة بعد ۏفاة بابا الله يرحمه أنا اللي اتوليت تربيتها خلصنا كلام وخرجت من الحوار دا على إنها موافقة.
عملنا خطوبة شهرين وبعدها الفرح ودا لأن مراد متربي معانا يعني مش لسه هنتعرف عليه وصلنا القاعة وفي نص ردي على المباركات عيني جت على وش مألوف بالنسبالي وش البنت اللي قابلتها على الكورنيش 
قلب وأتحول لتعبيرات كتير أوي وكلهم أبشع من بعض وكأن حد صدمها بجهاز كهرباء وفجأة دموعها رجعت لعيونها تاني بصيت بإتجاه عيونها عشان أشوف شافت إيه خلاها بالمنظر دا لقيت عيونها على مراد!!!!!
رجعت أبص عليها تاني لقيتها جريت بإتجاه البلكونة أستأذنت من الناس اللي كانت حواليا ومشيت وأنا عيني عليها اڼهيارها دا معناه حاجة دعيت ربنا إن أحساسي يطلع غلط قربت من البلكونة سمعتها عمالة تواسي نفسها وتقول هششش متعيطيش هياخدوا بالهم
قالتهالي وسط شهقاتها اللي زي الطفلة جوايا أحساس بيقولي أمشي وسيبها عشان متتحرجش منك وفي إحساس تاني بيقول كمل أتأكد من إحساسك واخترت إني أكمل لحد ما قولتلها إن بينهم حب من ٥ سنين 
_ دنيا!!!!!!
بصيتلها ورجعت بصيت لمراد دلوقتي إتأكدت....خطيبته الأولى كان إسمها دنيا يوم ما خطبها حلفت ما أروح الخطوبة عشان غدر وراح سمع كلام أهله