المربيه

Part 1 
كان ماسك الموبيل و بيدور علي مربية اطفال علي النت غير الي مشيت و أثناء ما بيدور لاحظ ان بنت عندها 23 سنة وافقت انها تكون مربية لاولاده فا دخلت بعتتله و قالت حضرتك كنت بتدور يا بية علي مربية اطفال انا مربية اطفال 
علي كده بقا بقالك كام سنة
بقالي سنة و نص يا باشا
تمام انتي اسمك ايه
اسمي بسمة يا بيه

تمام يا بسمة انا قبلتك هبعتلك عنواني و بكرا من الساعة سابعة الصبح تكوني هنا في الفلة
بجد يا بيه انت عايش في فلة
ايوة و ده عنواني 
تمام يا فندم انشاء الله هكون موجودة بكرا الساعة سابعة الصبح بس حضرتك اسمك ايه يا باشا
اسمي مراد يا بسمة
ماشي سلام يا استاذ مراد عشان انام عشان ماتاخرش الصبح 
سلام يا بسمة
و بعديها دخل مراد اوضة ولادة الي كانو تؤام و اولاد 
و دماغه صدعت لما عياله كانو بينطو علي السرير و يرقصوا و يسقفوا و يغنوا و طلع بسرعة برا الاوضة و اخد مسكن للصداع و عياله كانو اسمهم نادر و محمد و كانو عندهم 8 سنين و بعد ما اخد المسكن دخل الاوضة و هو بيتنفس نفس عميق و بعديها خلع القميص بتاعه و رماه علي السرير و دخل الحمام و فتح الدش و خلاه علي مياه ساقعه و بعديها نزل تحت الدش لمده 20 دقيقة و بعديها خرج و لبس البجامة و اترمى علي السرير و في اقل من 3 دقايق كان راح في النوم و تاني يوم صحي الساعه 6 الصبح علي المنبه و غير هدومه و نزل دخل اوضة اولاده و لقاهم صاحيين و ماسكين التلفون حط ايده علي وشه بتعب و طلع و قفل الاوضة و الساعه 700 بسمة جت و رنت الجرس و فتح الباب و هي رسمت ابتسامة علي وشها و هي بتقول انا المربية الجديدة يا فندم قالها ادخلي يا بسمة و بعديها لما دخلت قال جهزي الفطار للاولاد دلوقتي و وقت الغدا بتاعهم الساعه 500
قالت تمام يا بيه 
بعديها قال انا هروح الشغل سلام 
قالتله سلام 
و بعديها دخلت اوضة الاطفال و قالولها انتي مين قالت بنبرة حنونة انا المربية الجديدة بتاعتكم 
قالو انتي هتخدي مكان ماما صح 
قالت بنبرة كلها حنية لا لا خالص عمر ما حد هياخد مكان مامتكم صح 
قالولها صح 
قالت طب ايه رايكم تيجو تقعدو معايا لحد ما اجهز الفطار 
قالو ماشي يلا بينا 
يلا بينا
و نزلت هيا و محمد و نادر و عملتلهم الفطار و خلصو الفطار و قالوتعرفي ان احنا مش بنام و بنسهر
قالت
ليه كده طب ايه رايكم تيجو ورايا و احكلكم حدوته و بعديها تنامو 
قال محمد طيب بس القصة حلوة
ايوة طبعا حلوة عشان هحكهلكم
ماشي يلا
و دخلتهم